Enomy GERMAIN deklare se pa PHTK ki sous pwoblèm gang nan peyi a

Dapre rapò, INSECURITY INSIGHT ki te soti nan mwa oktòb 2021, gen 500 gwoup gang ak zam k’ap opere an Ayiti. Sou chak 10 gang, gen 8 k’ap taye banda nan depatman Lwès la. Ekonomis Enomy GERMAIN, pami eleman ki lakoz sitiyasyon sa, te site katye Kapital la ki tounen bidonvil epi aktivite ekonomik yo konsantre nan zòn sa. Politik la gen responsablite li tou nan sa, dapre li.                                  

Kondisyon moun k’ap viv nan katye sa yo tounen angrè pou fè gang boujonnen dapre ekonomis la. "Pa gen travay, pa gen swen lasante, pa gen yon edikasyon de kalite "te raple nou Mesye GERMAIN. Akoz moun yo desi de fason yo ap viv la "kèk panse antre nan aktivite kriminèl se dènye chans yo pou chanje lavi yo" te pousib PDG Econo Plus la.

Li te pousib pou bay detay sou orijin sitiyasyon sa. Dapre li aktivite sa yo pa vin parèt ak rejim PHTK a. Pou nou konprann kote pwoblèm sa soti, dapre ekonomis la "fòk nou ta remonte jis nan peryòd Duvalier yo". Pou sa ki gen wè ak pil gang nan zanviwon kapital, Enomy GERMAIN kwè "politisyen, sektè prive patisipe anpil nan kreye gang nan peyi a an patikilye nan depatman Lwès la".

N’ap raple gang yo kontinye ap enpoze volonte yo nan plizyè kwen nan peyi a. Otorite yo poko janm montre yo gen volonte pou mete men nan pat kasav la.

Marckendy DORSAINVIL

A lire aussi

• Ayiti pran nan konplo! Zòt rayi li pou endepandans 1804
• Ane akademik 2022-2023 : paran nan zòn metwopolitèn Pòtoprens lan gen anpil kè kase
• Ane jidisyè a fini : jistis la toujou malad grav
• Ayiti kriz marinen ak kriz: Yon maleng nou riske pa ka niche!
• Aktivite ekonomik yo ralanti nan mond la, ki espwa pou Ayiti ki an mal makak depi 3 lane?
• Ekonomi: Bilan yon ane Ariel Henry, se apse sou klou
• Ayiti: yon okipasyon makiye nan men nasyon zini pa pi bon opsyon an

Thèmes associés

• Enomy Germain
• Gangs
• Ayiti