Egzamen bakaloreya yo kòmanse jodia

115 337 elèv ap konpoze nan egzamen ofisyèl bakaloreya jodi vandredi premye jiyè a. Egzamen Leta sa, se dènye evalyasyon pou fini ak segondè nan etid klasik. Kontrèman ak jan sa konn fèt, egzamen yo kòmanse yon vandredi.

Akoz konje ki bay jou k ap 7 jiyè kap vini an nan kad komemorasyon premye anivèsè zak sasinay Prezidan Jovenel Moïse, otorite nan Ministè edikasyon nasyonal ak fòmasyon pwofesyonèl yo te oblije fè egzamen bakaloreya yo kòmanse jodia. Apresa pa gen gwo pwoblèm, pou asire l sa, yè Ministè a te oblije deplase kèk sant egzamen.

Pou asire yo elèv yo ap rive konpoze nan lapè ak trankilite, ministè a te deside deplase 4 sant egzamen nan Pòtoprens. Se konsa, kontrèman a sa ki te prevwa, pa gen sant egzamen nan lise Jan-Jak Desalin, lekòl nasyonal Repiblik Paragwey, lekòl nasyonal Repiblik Brezil ak Enstitisyon Notre-Dame de Lourdes.

Menm lè ministè a pa di plis, anpil moun rive konprann se pou ensekirite sant sa yo deplase.

Louvencky FRANÇOIS

A lire aussi

• Gouvènman dominken an pa ekate posiblite pou devye rivyè Masak la
• Enfeksyon, moun kole ak tonbe ansent se kèk danje ki gen nan fè bagay nan dlo
• Sa nou bay pòv se Bondye nou prete l
• Ariel chanpyon!
• Pral gen kouri?
• Ayiti pran nan konplo! Zòt rayi li pou endepandans 1804
• Coupe du monde FIFA-Qatar 2022: Menacée d'exclusion, La Tri sera bien de la partie

Thèmes associés

• Ayiti
• Bakaloreya
• 2022