Jounen entènasyonal dwa moun: Tout moun se moun
Jodia fè 75 lane depi Asanble Nasyon Zini te adopte Deklarasyon dwa pou tout moun. Depi jou sa, 10 desanm vin konsakre kòm jounen entènasyonal dwa moun. Pandan n ap komemore desizyon manm asanble Nasyon Zini an pou adopte gwo kokenn chenn dokiman sa ki vin pwoklame yon seri dwa chak moun genyen san okenn distenksyon epi pèsonn pa ka retire, li enpòtan pou n ta fè yon kout je sou reyalite n ap viv jodia. Sa enpòtan pou nou plis pase tout pèp sou latè, paske depi apre lendepandans la zansèt yo te deside monte yon sosyete san fòs kote, ki te gen yon sèl poto mitan : « Tout moun se moun ».
Ou kwè gen yon lang sou latè kote yo rezime tout filozofi dwa moun nan pi byen pase lang manman nou ? «Tout moun se moun » nan la pou raple n depi w se moun, ou gen yon seri dwa ki baze sou dinyite ak valè w kòm moun, dwa sa yo pou tout moun, pèsonn pa ka retire yo ni yo pa ka separe yo paske yonn depann de lòt epi yo fè yon sèl. Plis pase 100 lane apre, Nasyon Zini vini ak seri prensip sa yo ke zansèt nou yo te tabli nan peyi a depi jou yo vin pran desten n an men apre yo fin kouri dèyè kolon franse yo. Ala bèl bagay !
N ap tou dakò se yon ayisyen ki te viv reyalite sa ki pou te al demoli tout vye teyori rasis ki te vle fè kwè gen moun ki plis pase lòt ! Se pa yon aza si se Joseph Anténor Firmin ki te vin montre kòman teyori sa yo pa gen anyen pou wè ak lasyans vre ! Nou pa gen dwa bliye sa ! Jodi a nou pa ka rete sèlman ap sonje sa ki te pase. Se moman tou pou n gade n nan glas kòm pèp pou n mande n eske tout bon nou aplike prensip zansèt nou yo te kite pou nou an?
Eske diferans ant moun lavil ak moun andeyò, batistè sitaden ak peyizan, mache nan lojik tout moun se moun nan? Eske sosyete a janm pran dispozisyon pou tout moun gen menm kantite chans depi jou yo fèt pou jous yo ale nan peyi san chapo? Dayè èske yo te janm rive anrejistre nesans tout timoun ? Ki lè politik piblik gouvènman pase yo te reflete responsablite Leta pou garanti epi pwoteje dwa tout moun? Depi ki lè Leta konn pran ka malere k ap pase mizè anba men gwo zouzoun? Depi ki jou moun ki pa ka di « quant à moi je suis » konn gen la vwa o chapit? Eske « Bourik travay chwal galonnen », « Rat manje kann zandolit mouri inosan », «Zafè kabrit pa zafè mouton » elatriye, te dwe reyalite nou kòm pèp. Sa Leta ak sosyete sivil la di nan sa ? Kisa ki te fèt pou chanje move pratik kote dwa mou ap vyole chak jou nan peyi a ? Ki desizyon ki te pran pou pa kite pèsonn viv nan sitiyasyon kip a marande ak diyite l kòm moun ?
Jodia ti bouton nou te neglije a tounen gwo maleng ! Si n te aplike prensip « Tout moun se moun » nan, ou kwè se kote moun, nou te refize rekonèt tout dwa yo, t ap viv ki ta vin tounen pi gwo pwoblèm sosyete a ? Se konpòtman otorite pase yo ki vin bay tout gwoup gang ak zam fann fwa sa yo k ap detwi lavi malere, anpeche n sikile, vyole, masakre, kidnape, elatriye. Nou dwe dakò sa, pa t gen okenn dispozisyon ki te pran pou moun sa yo jwi dwa sivil, dwa politik, dwa ekonomik, dwa sosyal, dwa kiltirèl ak dwa kolektif yo. Jodia se espas kote moun sa yo t ap viv yo ki tounen angrè pou gang. Akoz aksyon bandi san fwa ni lwa sa yo anpil frè ak sè nou tonbe, anpil timoun pa ka ale lekòl, anpil moun twomatize. Reyalite n pa bèl ditou e se nou ki pou deside chanje l. Kòman ?
Ann deside fè yon peyi san pas pouki. Yon peyi kote ni pitit sòyèt ni pitit zotobre ap gen menm chans epi jwi tout dwa yo. Nou ka fè sa, zansèt nou yo trase wout la pou nou deja. Nou dwe deside fè « Tout moun se moun » nan vin 3 wòch dife sosyete kote libète, diyite ak jistis pou tout mou nap sèl prensip k ap dikte n sa pou n fè.
Stevens JEAN FRANÇOIS
- Lapli vini m a ba w bonbon!
- Se aksyon Konsèy Prezidansyèl la k ap montre si l vle fè ripti vre, pozisyon yon goup sitwayen nan Okap
- Yo koken, yo mètdam
- 12 janvye 2010, Bondye te sispann bon?
- Fondasyon Zanmi Timoun p ap bese bra l
- Gouvènman dominken an pa ekate posiblite pou devye rivyè Masak la
- Enfeksyon, moun kole ak tonbe ansent se kèk danje ki gen nan fè bagay nan dlo
A lire aussi
- Dwa Moun
- Ayiti
- Jounen entènasyonal
- 10 desanm
Thèmes associés
Même rubrique
Les articles de la même rubrique
Jan bwè, jamè sou!
Ti Jan bwè tafya se vre men l rèspèkte boutèy la. Si se pou bwè mesye a bwè anpil men li konnen l pa ka pèmèt li sou. Li...
Publié le 24 juin 2024, à 06:46 PM • Stevens Jean François • 2 min de lecture18 mai: l'Université la grande absente!
Pour marquer son refus contre l'occupation et la dépendance d'Haïti, Dantès Bellegarde avait proclamé l’Université gardi...
Publié le 18 mai 2024, à 02:57 PM • Paul Martial • 2 min de lectureLapli vini m a ba w bonbon!
Konbyen nan nou ki pa t konn chante ti pawòl sa lè n te piti? Nou te swete lapli tonbe pou n ka benyen, jwe anba lapli....
Publié le 30 avril 2024, à 01:38 PM • Stevens Jean François • 3 min de lectureDe curieux oiseaux font étape en Haïti
Habituellement, les oiseaux commencent leur migration fin février et mi-septembre. La première période migratoire dure j...
Publié le 3 avril 2024, à 12:57 PM • Stevens Jean François • 4 min de lectureAvis de décès
La Constitution de 1987 n'est plus! 37 ans après le très enthousiaste vote de ce texte, il a succombé aux assauts répété...
Publié le 30 mars 2024, à 02:47 PM • Stevens Jean François • 3 min de lectureCharivari!
3 - 4 ! En chef d'orchestre, d'un coup de baguette, la CARICOM dirige la classe politique haïtienne. Convaincue qu'avec...
Publié le 12 mars 2024, à 11:41 AM • Stevens Jean François • 3 min de lectureMe diri a!
« Diri ameriken se pwazon! Diri ameriken bay sik, tansyon ak kansè! Se lè nou antre nan manje bagay ki soti lòtbò dlo vi...
Publié le 27 février 2024, à 11:26 AM • Stevens Jean François • 4 min de lectureYo koken, yo mètdam
Kisa kanaval pote pou peyi sa ? Kesyon sa nan anpil bouch depi kèk tan. Chak fwa kanaval rive, diskou a chanje kan men k...
Publié le 13 février 2024, à 03:15 PM • Stevens Jean François • 5 min de lecture12 janvye 2010, Bondye te sispann bon?
Anpil ayisyen te konsidere tèt yo tankou bèf san lake. Yo pa t pran responsablite yo kòm sitwayen. Dirijan yo t ap kalbe...
Publié le 12 janvier 2024, à 09:45 AM • Stevens Jean François • 3 min de lectureLes étrennes que j'aimerais recevoir
Comme les enfants, je souhaite recevoir des cadeaux pour commencer l'année 2024 du bon pied. Certes, elle s'annonce déjà...
Publié le 1er janvier 2024, à 01:10 PM • Jodel Pilate • 4 min de lectureLe Kenya, sauveur à géométrie variable !
Les soldats kényans devant être déployés en Haïti dans le cadre de la Mission Multinationale d'Appui à la Sécurité devra...
Publié le 17 décembre 2023, à 12:15 PM • Jodel Pilate • 3 min de lectureKannal la pa klowòks ni dra blan !
KPK : sa dou nan anpil bouch ! Tout atiprenè politik vle pran woulib. E piyay ! Kannal la p ap kanpe, se eslogan pèp la...
Publié le 15 octobre 2023, à 03:20 PM • Stevens Jean François • 4 min de lectureVeye Jèvilòm!
Kannal la p ap kanpe ! Anpil moun dakò sou sa. Pou dlo rive nan 3 mil ekta ki nan plèn Maribawou a nou mete an aplikasyo...
Publié le 29 septembre 2023, à 01:51 PM • Stevens Jean François • 3 min de lectureAriel chanpyon!
Kisa n pa t tande sou mouche Ariel lè l fenk pran pouvwa? San chèche konnnen kisa ki te fè Claude Joseph pete kouri remè...
Publié le 27 août 2023, à 02:37 PM • Stevens Jean François • 8 min de lectureÀ la recherche du leader !
La situation de la jeunesse haïtienne est en bon nombre de points similaire à celle des personnages du roman de Jacques...
Publié le 10 août 2023, à 03:10 PM • Stevens Jean François • 3 min de lecture
Aucun commentaire
Contributions
Aucun commentaire !
Soyez le premier à commenter cet article.