« M pa gen okenn pwoblèm avèk okenn moun ni estil yo. M gen pwoblèm ak moun k ap komèt enfraksyon », Mèt Durand Charles Edouard
Komisè Gouvènman Okap la, Mèt Durand Charles Edouard, pa t pran tan pou fè limyè sou videyo ki t ap sikile yo. Li rekonèt se te yon fo pa. Mèt la, nan mikwo Wendy Phele, te tou pwofite raple reyalizyon l nan tèt Pakè a epi fè konnen se paske l pa dakò lage bandi pou yon seri moun ki fè yo ap tante efase tout rezilta li gentan bay yo.
Depi vandredi 4 dawout pase a, non Komisè Gouvènman Okap la, Mèt Durand Charles Edouard, ap fè it sou rezo sosyal yo. Gen moun k ap bat bravo pou li. Konsa tou genyen ki ap kritike l. Pami yo, genyen moun ki afiche djwed yo. Ou ta di se yon fason pou di mèt la : « Me kwa manman w, si w kapab vin koupe cheve m ! ». Tout reyaksyon sa yo vini apre videyo kote tout moun te wè Komisè Gouvènman an, akonpanye ak polisye ansanm ak ajan BBSAP, t ap koupe cheve 2 jenn gason nan Okap. Mèt la te kouri reyaji sou videyo epi fè limyè sou sèn nan.
Pou kòmanse, Komisè a te raple kontèks cheve yo te koupe a (Pou plis detay al li : https://www.lecourrierdelanation.com/actualites/article/2023/08/04/aksyon-komise-gouvenman-okap-la-raple-m-peryod-tonton-makout-yo-met-samuel-madistin ). Pa t gen operasyon mache koupe cheve moun dapre li. Li te akonpanye lameri ki te nan lari a pou enfòme moun ki fè yon seri ri Okap tounen garaj ke yo gen 2 jou pou deplase machin yo. Se konsa pandan yo t ap mache fè moun yo konnen desizyon sa vin gen yon seri moun ki te vin ap lanse pawòl piman bouk epi menase otorite yo. Dapre sa Komisè a rapòte, moun sa yo t ap di yo p ap fè yon pa paske yo peye meri a deja pou yo fè garaj nan lari a.
Komisè a ki fè sonje li te gen dwa arete moun ki t ap menase otorite yo, fè konnen li te prefere pale ak yo pito. « Yo menase n, yo agrese n kòm otorite. M te ka fè arete delenkan yo epi mennen yo devan m. E nan sans sa m ta pral pouswiv yo, mete yo nan prizon eksetera. Lè sa ta pral gen plis demach ankò. Paran yo ta pral entèveni eksetera. […] devan sitiyasyon an m di olye m pini yo nan tèl fason, bon m ap voye yo koupe cheve yo paske se cheve sa ki fè yo panse ke se yon lijanboje ke yo ye. Banm desann nan volim yo » te rakonte Komisè a.
Chèf Pakè Okap la te fè konnen li te pale ak moun yo. « Avèk gwo cheve ou vin gen yon vizaj menasan, ou vin sanble ak bandi », « estil la pa sanble w » se kèk koze li fè konnen li te di yo nan ti bat bouch ak yo a. Apresa pou « ankouraje » yo al fè cheve yo, li te koupe kèp pye cheve nan tèt jenn gason yo ki pa plis pase 2 dapre sa l fè konnen. Komisè a te tou pwofite raple limit fonksyon l la pa rapò a sèn nan. « Se pat wòl mwen sa, wòl mwen defini pa kòd Enstriksyon kriminèl la. Se sèlman lè moun yo komèt yon enfraksyon pou m aji kont yo » te endike Mèt Durand ki te pran tan pou di jan l sansib pou non l.
Mèt Durand ki te dakò tankou tout moun li ka fè yon fo pa, te fè konnen gen moun ki kritike l tou paske se li ki t al koupe cheve mesye yo olye l te mande yonn nan ajan ki te ansanm ak li yo fè sa. Li te pwofite deklare ke l konprann moun yo epi l lonje men bay yo paske gen anpil pwoblèm nan jiridiakyon an. « M pran ni louwanj ni kritik ak menm kè a, m resevwa yo ak menm men an. Donk si yon moun kritike m se paske l ta renmen wè m avanse. M gen yon CV ke m ap konstwi nan majistrati a. A chak paj m ap ekri ladanl m ap aprann de fo pa m. M ap aprann de erè m » se sa l te deklare.
Mèt Durand, te pran tan pou mete pwen sou « I » et ba sou « T ». « M pa te pran yo pou bandi m di yo estil la fè yo sanble yon bagay yo pa ye. Epi, kòm yo vini ak langaj ki vyolan tou sa vin fè yo estigmatize yo, kategorize yo. M pa ka arete moun paske yo fè djwed, m pa ka arete moun paske yo fè gwo cheve non. Konnya m te fè l kòm se te yon fo pa, se pa konsa m ta dwe fè l, se pat bon estrateji a, se pa t bon metòd la, m fè amand onorab. M p ap retounen ladan l ankò. Moun yo mèt met nan tèt yo ke mwen menm m pa gen okenn pwoblèm avèk okenn moun ni ak estil yo. M gen pwoblèm ak moun k ap komèt enfraksyon paske lalwa mande m pou m pousziv yo ».
Dapre Komisè gen moun k ap bat pou eksplwate fo pa li fè a. Li pa t met dlo nan bouch li pou l di « Se moun ki vle kache travay, bilan ke n gentan gen la, se moun ki vle efase l. Nou gentan plede nan 4 asiz kriminèl. Nou gentan plede nan kad asiz koreksyonèl. Nou gentan voye plizyè dizèn dosye nan kabinè enstriksyon. Anpil dosye ki te bloke nou debloke yo. Gen demand yo fè nou ki pa marande ak lalwa. Nou opoze a yo donk sa lakoz moun fache. M kont bandi, tout moun konn sa. Epi m pran responsablite m. M kont bandi donk kèlkeswa fason an n ap trennen yo devan lajistis oubyen lapolis ap estope yo. Men konnya, gen anpil moun, e se pa nenpòt ki kalite moun, k ap vini pou mande w libere bandi pou yo sou yon ka imanitè, sou yon ka libète endividyèl. M reziste epi m opoze a liberasyon sa yo paske mwen menm bandi p ap koule anba men m. Donk m konprann gen enterè k ap defann anba anba».
Kiyès moun sa yo ye? Poukisa Komisè Durand pa t tou arete yo ? Eske moun sa yo pi gran pase lalwa ? Komisè Durand me boulò w, jwe ! Anpil moun ap tann ou montre se tout bon pa gen malere ni gran zouzoun devan lalwa !
Stevens JEAN FRANÇOIS
- « Aksyon Komisè Gouvènman Okap la raple m peryòd Tonton Makout yo », Mèt Samuel Madistin
- Ane jidisyè a fini : jistis la toujou malad grav
A lire aussi
- Jistis
- Komisè Gouvènman
Thèmes associés
Même rubrique
Les articles de la même rubrique
État d'urgence sécuritaire : le Premier Ministre Garry Conille rencontre des associations de médias en ligne
Des responsables de médias en ligne, membres de l'Association haïtienne des médias en ligne (AHML) et du Réseau National...
Publié le 25 juillet 2024, à 04:03 PM • Louvencky Francois • 2 min de lectureDisparition de deux canons de bronze à la Citadelle: des citoyens crient au scandale
Milot Culture et Le Scientifique ont dénoncé la disparition de deux canons de bronze de la Citadelle la Ferrière. Des ci...
Publié le 2 juin 2024, à 02:17 PM • Annie Francois • 2 min de lectureChoix du prochain titulaire du MJSAC: le FE-MJSAC propose les critères
Préoccupée par la situation du MJSAC, la structure syndicale dénommée Faisceau des Employés du Ministère de la Jeunesse...
Publié le 2 mai 2024, à 12:23 PM • Louvencky Francois • 4 min de lectureNUtv annonce qu’elle mettra fin à ses activités
Sur sa page Facebook, la NUtv a annoncé qu'elle mettra fin à la retransmission de sa programmation à partir du 31 mai 20...
Publié le 1er mai 2024, à 09:08 AM • Annie Francois • 2 min de lectureLe CPD a recensé 24 morts à La Saline
Une nouvelle tuerie a eu lieu à La Saline. L'organisation de promotion et de défense des droits humains, Combite pour la...
Publié le 29 avril 2024, à 03:19 PM • Abigaelle Pierre • 3 min de lectureSans tourner autour du pot, le MOPOD s’adresse au PM Boivert
Le MOPOD a-t-il découvert le pot aux roses? Dans une lettre ouverte, la structure qui se présente comme l'une des rares...
Publié le 29 avril 2024, à 03:11 PM • Paul Martial • 4 min de lectureSe aksyon Konsèy Prezidansyèl la k ap montre si l vle fè ripti vre, pozisyon yon goup sitwayen nan Okap
Yon gwoup sitwayen nan Okap ki regwoupe yo anba non « Pou Okap, pou Ayiti » pa t pran tan pou fè konnen pozisyon yo apre...
Publié le 26 avril 2024, à 10:25 AM • Louvencky Francois • 3 min de lectureTransition: Plan Haïti 2k50 appelle à une solution concertée
Le Décret nommant les membres du Conseil Présidentiel de Transition a été publié. En attendant l'installation du Conseil...
Publié le 23 avril 2024, à 03:37 PM • Paul Martial • 2 min de lectureParalysie totale des activités au Parquet de Port-au-Prince
Des avocats ont investi les rues devant les locaux du Parquet de Port-au-Prince, ce lundi 5 février 2024. Les protestata...
Publié le 5 février 2024, à 04:03 PM • Abigaelle Pierre • 3 min de lectureUn cadre enlevé au bureau central de l'OAVCT
Des membres du gang Kraze Baryè de Vitelhomme Innocent ont investi les locaux de l'OAVCT sis à Tabarre. Ils ont emmené a...
Publié le 5 février 2024, à 03:34 PM • Annie Francois • 2 min de lectureFondasyon Zanmi Timoun p ap bese bra l
Ensekirite k ap vale teren nan plizyè zòn nan peyi a vin met apse sou klou. Sitiyasyon malouk sa gen gwo konsekans sou l...
Publié le 13 octobre 2023, à 02:33 PM • Stevens Jean François • 4 min de lectureGouvènman dominken an pa ekate posiblite pou devye rivyè Masak la
Dosye kannal la tounen yon patat cho nan men pouvwa dominiken an. Nan echanj ak laprès LA Semanal, Prezidan Luis Abinade...
Publié le 2 octobre 2023, à 02:40 PM • Stevens Jean François • 3 min de lectureForce onusienne : le MOPOD rappelle ce dont Haïti a besoin
Le Mouvement populaire patriotique dessalinien comme d’autre structures et personnalités a fixé ses positions sur le dép...
Publié le 24 août 2023, à 10:31 AM • Abigaelle Pierre • 4 min de lectureDéploiement d’une force internationale en Haïti : la population a tranché !
Plus de 60 % de la population est d’accord que la PNH a besoin de l’appui d’une force internationale. C’est ce qu’a révé...
Publié le 10 août 2023, à 03:21 PM • Paul Martial • 3 min de lecture« Aksyon Komisè Gouvènman Okap la raple m peryòd Tonton Makout yo », Mèt Samuel Madistin
Nouvo Komisè Gouvènman Okap la, Mèt Durand Charles Edouard, lakoz yon pakèt pale anpil sou rezo sosyal yo 3 semèn apre e...
Publié le 4 août 2023, à 05:28 PM • Stevens Jean François • 3 min de lecture
Aucun commentaire
Contributions
Aucun commentaire !
Soyez le premier à commenter cet article.